Tid for betasuppe - Foto: Magne Hamre

Bokslepp 2007

I år var det boksleppet på Solund brygge på Hardbakke. Det møtte fram mykje folk denne tysdagskvelden, å stemninga og maten var god. Ekstra kjekt var det å sjå so mange unge folk som hedde teke seg tid til å vere med.

Etter opning ved leiar i laget Bjørn Magne Hansen vart det vist bilete frå Solundarkivet med tema Bryllaup. Folk tok til å kjenne matlukta og da vart so servert kjøtsuppe, kaffi og kaker.

Medan dette vart fordøya fortalde Hans H Steinsund om den nye boka frå Selja (Båtar med sjel II) som han har lagt ned eit stort arbeid i form av mange flotte artiklar om farty frå Solund. Ei bok vi trykt kan anbefale i tillegg til vår eiga bok (Solund sogeskrift).

Tida kom til slepp av laget si siste ”Solund sogeskrift 2007” gitt ut av skriftnemnda ved Hans H Steinsund , Magne Hamre , Bjørn Magne Hansen og Finn Jonny Hugøy.

Det er mange bidragsytarar som også i år har delteke med stoff til boka som er den største vi har gitt ut til no. Heile 230 sider. Innhald i boka er blant anna, ”Dramatisk flukt til Skottland”, ”Krakhellekista” , ”Lending- eit småbruk mellom kasteplassar” og mykje meir.

Det var siste innmeld medlem Steinar Jørs som fekk gleda av og ”sleppe” boka i år.

For oss som har levd i sula ei stund, så er ikkje dette eit ukjent namn. Steinar Jørs var ”flytandes” røyrleggjar i Solund ein del år, med same båten som han har i dag ”Penelope” og som han har attendelagt anseleg mengde sjømil med.

Finn J Hugøy